Ózge ult ókilderi ınnovatsııalyq ádisteme negizinde qazaq jáne aǵylshyn tilderin meńgerip shyqty

ASTANA. 8 tamyz. QazAqparat - Búgin Astanada «Dıalog.kz» halyqaralyq jobasy aıasynda «Tildaryn» ınnovatsııalyq ádistemesi arqyly qazaq jáne aǵylshyn tilderin meńgergen etno-mádenı ortalyqtardyń músheleri arnaıy sertıfıkattarǵa ıe boldy.

«Dıalog.kz» jobasyn Qazaqstan halqy Assambleıasy «Qazaqstannyń damý banki» AQ qoldaýymen aǵymdaǵy jyldyń 25 maýsymynda Túrkııa elinde ótkizgen bolatyn.

«Elbasymyzdyń «Úshtuǵyrly til» saıasatyn júzege asyrý maqsatynda Qazaqstan halqy Assambleıasy osyndaı mektepter ashý arqyly óz úlesin qosýda. Bıylǵy 8 maýsymda «Dıalog.kz» jobasy aıasynda «Suhbat» mektebi ashylǵan bolatyn. Birinshi topta bizdiń etno-mádenı ortalyqtardyń músheleri qatysty, olar atalǵan joba aıasynda «Tildaryn» ınnovatsııalyq ádistemesi arqyly qazaq jáne aǵylshyn tilderin meńgerdi. Bul ınnovatsııalyq ádis 2012 jyly reseılik lıngvıst Dmıtrıı Petrovtyń ádistemesi boıynsha bir top otandyq til mamandarymen jasaqtalǵan bolatyn», - deıdi Qazaqstan halqy Assambleıasynyń qory» qoǵamdyq qorynyń dırektory Almagúl Sálimbaeva.

Aıta keteıik, byltyr Túrkııada ótken bul jobaǵa 500-den astam qatysqan. Ol birneshe salaǵa bólingenimen, negizgisi memlekettik tildi meńgerý bolatyn. Bıyl bul joba «Dıalog.kz» dep ataldy. Onyń aıasynda jazǵy maýsymda 20 jáne 70 jas aralyǵyndaǵy 15 adam qatysqan. Kelesi oqytý qyrkúıek aıynda bastalady dep kútilýde. Uıymdastyrýshylardyń aıtýynsha, joba keleshekte Frantsııa elinde jalǵasyn tabýy múmkin.