Ózge planetalyqtardyń bar ekenine senetin ataqty ǵaryshker qaıtys boldy

ASTANA. QazAqparat - AQSh-ta Aı betine aıaq basqan altynshy adam - ǵaryshker Edgar Mıtchel 85 jasynda dúnıe saldy, dep habarlady «VVS» agenttigi.

Ol Florıda shtatyndaǵy Ýest-Palm-Bıch qalasynyń aýrýhanasynda kóz jumǵan.

Mıtchell 1971 jyldyń 5 aqpanynda «Apollon-14» mıssııasynyń quramynda bolǵan. Aıǵa qonǵanyna 45 jyl tolýyna nebári bir kún qalǵanda qaıtys boldy.

Ǵaryshkerdiń esimi onyń ataqty málimdemesimen baılanysty. Ol beımálim ushý nysandarynyń kóbi shynymen de ózge planetalyqtardyń ǵarysh kemeleri ekenin aıtqan, ózi soǵan 90 paıyzǵa senimdi ekenin de jetkizgen bolatyn.