Ózge etnos ókilderiniń balalaryn qazaq mektebine berip jatqany qýantady - Elbasy
«Ózge barlyq ulttar men etnostardyń ókilderine bilim alý múmkindigi berilgen jáne olar ony qoldanyp ta júr. Burynyraqta memlekettik tilde sóleıtin qazaq emes adamdy tabý problema bolatyn. Qazir bul múldem sırek kezdesetin jaıt emes. Elimizdegi barlyq etnostardyń arasynda memlekettik tildi jaqsy biletinder sanyn artyp kele jatyr. Memlekettik til jalpy moıyndalǵan azamattyq markerge aınaldy jáne kórshilerimiz de soǵan bara jatyr. Bul tek memleketti quraýshy ulttyń tiline degen qurmet qana emes. Óıtkeni, til barlyǵyn biriktiredi», - dedi Elbasy.
QR Tuńǵysh Prezıdenti Amerıka júzdegen ult pen etnostan turatynyn, alaıda olardyń aǵylshyn tili amerıkalyq qylyp otyrǵandyǵyn basa aıtty.
«Árıne, bizde jaǵdaı ózgesheleý. Biraq, soǵan barýymyz kerek jáne memlekettik til barlyq azamattarǵa basqarýdyń búkil organdaryna jumys isteýge, tipti Prezıdent bolyp saılanýǵa da múmkindik beredi. Sondyqtan maqsat úlken. Adam kóp til bilgen saıyn mádenıetti bola túsedi. Menińshe, kópshilik muny ortaq maqsattar úshin jasap otyrǵanymyzdy túsinedi. Sol sebepti túrli etnostyń ata-analary balalaryn qazaq balbaqshalaryna, mektepterge jáne joǵary oqý oryndaryna bere bastaǵany qýantady. Muny qoldaý qajet», - dedi Nursultan Nazarbaev.
