Ózge elderdiń ıadrolyq qaldyqtary Qazaqstanda esh ýaqytta saqtalmaıdy - Ekologııa mınıstri
ASTANA. 28 sáýir. QazAqparat /Gúlmıra Álıakparova/ - Ózge elderdiń ıadrolyq qaldyqtary Qazaqstanda esh ýaqytta saqtalmaıdy. Bul týraly búgin Bnews portalynda ótken onlaın-konferentsııa barysynda QR Qorshaǵan ortany qorǵaý mınıstri Nurǵalı Áshimov málim etti.
«Zańnamada jazylyp kórsetilgendeı, Qazaqstanǵa ıadrolyq qaldyqtardy ákelýge tyıym salynǵan. Qazaqstanda ıadrolyq qaldyqtar eshqashan bolmaıdy. Biz, Qorshaǵan ortany qorǵaý mınıstrligi ǵana emes, Úkimet te ıadrolyq qaldyqtardy alyp kelýge esh ýaqytta ruqsat bermeıdi», - dedi ol.
N.Áshimov, «ıadrolyq otyn bankin» «ıadrolyq qaldyqtar bankimen» shatastyrýǵa bolmaıtyndyǵyn aıtty. Eske salaıyq, Qazaqstan Prezıdenti N.Nazarbaev 19 sáýir kúni Kıevte ótken ıadrolyq energııany qaýipsiz jáne ınnovatsııalyq paıdalaný máselelerine arnalǵan sammıtte, Qazaqstan ózinde ıAdrolyq otynnyń halyqaralyq bankin ornalastyrýǵa áli de nıetti ekendigin aıtqan bolatyn.
«Qaldyqtar men ıAdrolyq otynnyń halyqaralyq bankin (ıAOHB) shatastyrmaý kerek», - dedi ol. Mınıstr atap kórsetkendeı, ıAOHB-da az baıytylǵan ýrannyń kepildi qorynyń azdaǵan kólemin saqtaý josparlanyp otyr. ıAOHB-ny ıadrolyq qarýy joq jáne MAGATE ınspektorlary úshin tolyǵymen ashyq elde saqtaý kózdelip otyr.
Qazaqstan ýran rýdasyn óndirý boıynsha álemde birinshi orynda tur. Onymen birge, memlekette reaktorlardy eksplýatatsııalaý jáne synaq ıadrolyq fızıka salasyndaǵy jumystar boıynsha praktıkalyq jáne ǵylymı-zertteý tájirıbesi bar.
«Atomdy ónerkásibimizdi damyta otyryp, biz ýran óndirýden bastap ıadrolyq otyndy shyǵarýǵa deıingi - ıadrolyq otyndy tsıkldyń vertıkaldy-ıntegratsııalanǵan kompanııasyn qurýdy josparlap otyrmyz», - dep túıindedi mınıstr.
