«Ózenmunaıgaz» óndiristik fılıaly jumysshylarynyń 80 paıyzy óz qyzmetterine kiristi

Bul týraly búgin Úkimet otyrysynda Aqtaýdan tikeleı beınebaılanysqa shyqqan QR Premer-Mınıstriniń birinshi orynbasary Ómirzaq Shókeev málim etti.

«Ózenmunaıgaz» óndiristik fılıalynyń jumysy qalpyna keltirildi. Óndiristik nysandardyń jáne qyzmetkerlerdiń qaýipsizdigi qamtamasyz etildi. Búgin jumysshylardyń 80 paıyzdan astamy jumysqa shyqty. Keshe bul kórsetkish 37 paıyz ǵana bolatyn. ıAǵnı óndiris birtindep óz arnasyna túsip kele jatyr», dedi ol. Sondaı-aq Ó.Shókeevtiń atap ótýinshe, bul úderis «Qazmunaıgaz» kompanııasy prezıdentiniń jáne Úkimettik komıssııa toptary basshylarynyń turaqty baqylaýynda bolmaq. Olardyń aldyna kásiporyn jumysynyń turaqtylyǵyn jáne tolyqqandylyǵyn qamtamasyz etý mindeti júktelgen.