"Ózenmunaıgaz" kompanııasynyń burynǵy qyzmetkeriniń qyzyn óltirgen eki kúdikti ustaldy
ASTANA. 7 qarasha. QazAqparat - Mańǵystaý oblysynda «Ózenmunaıgaz» kompanııasynyń kásipodaq belsendisiniń qyzy Jansáýle Qarabalaevanyń ólimine qatysty eki kúdikti ustaldy,
dep habarlady QR ІІM baspasóz qyzmetinen.
«Іshki ister organdarymen aǵymdaǵy jyldyń 19 tamyzynda «Ózenmunaıgaz» kompanııasynyń burynǵy qyzmetkeriniń qyzy Jansáýle Qarabalaevany zorlap, odan keıin óltirgen Jańaózen qalasynyń eki turǵyny anyqtalyp, ustaldy jáne tutqynǵa alyndy», delingen habarlamada.
Vedomstvonyń atap ótýinshe, kúdiktiler J.Qarabalaevany Jańaózen qalasynyń eski áýejaı aýdanyna aldap aparyp, kúsh qoldanyp zorlaǵan. Osydan keıin qylmystaryn jasyrý maqsatynda ony óltirip, denesin sol jerde qaldyryp ketken.
Qazirgi ýaqytta tutqyndalǵandarǵa qatysty dálelder bazasyn naqtylaý baǵytyndaǵy tergeý amaldary jalǵasýda.
