«ÓzenMunaıGaz» AQ bas dırektorynyń orynbasary ustaldy
Bul týraly QazAqparat QR Qarjylyq monıtorıng agenttiginiń baspasóz qyzmetine silteme jasap habarlaıdy.
B.Mambetsapaev óz laýazymdyq mártebesin paıdalanyp, jumysqa qabyldaý týraly bekitilgen qaǵıdalardy óreskel buzǵan, ıańnı óziniń birqatar tanystaryn «Ózen Munaı Gaz» AQ-na zańsyz kirgizgen.
Al kompanııaǵa jumysqa kirý úshin Jańaózen qalasynyń 9 myńnan astam turǵyny kezekke tirkelgen.
B. Mambetsapaevtyń tanystarynyń jumyssyzdar qatarynda bolmaǵany, tıisti mamandyqqa biliktilikteri sáıkes kelmeıtini jáne jumysqa múldem kelmegenderin anyq bilgendigi tergeý barysynda anyqtaldy.
B. Mambetsapaevtyń zańsyz is-áreketteri memleketke 46 mln teńgeden astam zalal keltirdi jáne Jańaózen qalasy turǵyndarynyń kompanııaǵa jumysqa ornalasý boıynsha quqyqtarynyń óreskel buzylýyna yqpal etti.
Tergeý B. Mambetsapaevtyń basqa da zańsyz áreketteri, kompanııanyń laýazymdy tulǵalardyń jáne merdiger mekemelerdiń bıýdjettik qarajattardy jymqyrý faktileri tekserilýde.
«Tergeý jumystary jalǵasýda. Qylmystyq protsestik kodekstiń 201-babyna sáıkes ózge de málimetter tergeý múddesinde jarııalanýǵa jatpaıdy»,-delingen Mańǵystaý oblysy boıynsha Ekonomıkalyq tergep-tekserý departamentiniń baspasóz qyzmeti taratqan aqparatta.