Ózenge aǵyp ketken balalardy 400-den astam adam izdeýde
ASTANA. QazAqparat - Sochıde ózen aǵysy alyp ketken eki balany 400-den astam adam -qutqarýshylar, polıtseıler, Reseı gvardııasynyń áskerı qyzmetshileri jáne eriktiler túni boıy izdedi, dep habarlaıdy TASS qala meriniń baspasóz qyzmetine silteme jasap.
«Sondaı-aq, ózenniń muhıtqa quıylar jerinde tórt júzý quraly men Ońtústik óńirlik izdeý-qutqarý jasaǵynyń qyzmetkerleri, kólik polıtsııasy men Teńiz portynyń qyzmetkerleri kezekshilik etýde. Al tańerteń aýmaqty tiqushaq arqyly sholyp shyqpaq», deıdi baspasóz qyzmetindegiler.
Budan buryn habarlaǵandaı, 3 tamyzda Sochıdiń Hostınskıı aýdanynda tórt adam erkek, áıel jáne eki bala ózendi keship ótpek bolǵan. Nóser jańbyr saldarynan ózendegi sý deńgeıi kúrt kóterilip, adamdardy aǵyzyp alyp ketken.
Áıel ózdiginen jaǵaǵa júzip shyǵyp, qutqarýshylarǵa eki balasy men týysyn ózen aǵysy alyp ketkendigin aıtqan.
Sál keıinirek qutqarýshylar basynan jaraqattanǵan er adady tapty. Biraq ol aýrýhanaǵa jatýdan bas tartqan.
4 tamyzda izdeý júrip jatqan aýmaqta nóser jańbyr jaýyp, jeldiń jyldamdyǵy 20-22 m/s jetedi dep kútilýde.
