Ózendi atpen kesip ótpek bolyp, sýǵa ketken jigittiń máıiti tabyldy
ATYRAÝ. QazAqparat – Atyraý oblysynda Oıyl ózenine batyp ketken jigittiń máıiti sýdan shyǵaryldy, dep haarlaıdy QazAqparat.
Budan buryn Atyraý oblysynda 26 jastaǵy jigit sýǵa ketkenin jazǵan edik.
Oblystyq tótenshe jaǵdaılar departamenti baspasóz qyzmetiniń málimetinshe, jas jigit 21 sáýirde saǵat 15:30-da Oıyl ózenin atpen kesip ótpek bolǵan. Ókinishke qaraı, qarsy bettegi jaǵalaýǵa jete almaı, sýǵa batyp ketken.
Oıylǵa batqan jigitti izdeý keshe, 22 sáýirde saǵat 10:45-te bastaldy. Іzdestirý jumystary búgin, 23 sáýirde saǵat 08:00-de qaıta jalǵasty.
«Qyzylqoǵa aýdanynyń 1996 jyly týǵan turǵyny Oıyl ózeninen atpen ótý kezinde sýǵa batyp ketken. Ony izdestirýge Tótenshe jaǵdaılar departamentiniń 4 qyzmetkeri men jergilikti atqarýshy organnyń 2 qyzmetkeri tartyldy. Jergilikti 5 turǵyn izdestirý jumysyna kómekke keldi. Oıyl ózenine batyp ketken 26 jastaǵy jigittiń máıiti búgin, 23 sáýirde saǵat 09:30-da sýdan shyǵaryldy», - dep habarlady departamenttiń baspasóz qyzmetinen.
