Ózendi jolmen shatastyrǵan eki júrgizýshi ákimshilik qamaýǵa alyndy
ALMATY. KAZINFORM — Almaty qalasynyń Medeý aýdanynda júrgizýshiler eki kólikpen ózen arnasynda júrgen.
Quqyq buzýshylyq beınelegen jazba áleýmettik jelide tarady. Almaty qalasynyń polıtsııa departamenti júrgizilgen izdestirý sharalarynyń nátıjesinde júrgizýshilerdiń jeke basy anyqtalyp, ustalǵanyn habarlady.
— Tekserý qorytyndysyna sáıkes, olar QR ÁQbK-niń 6-baby boıynsha jaýapkershilikke tartylǵan. Kólikter arnaıy aıyppul turaǵyna qoıyldy. Sot sheshimimen eki júrgizýshi de 5 táýlikke ákimshilik qamaýǵa alyndy, — dep habarlady polıtsııadan.
Qalalyq polıtsııa departamenti kólik quraldarynyń ózen arnasyna nemese qozǵalysqa arnalmaǵan basqa da oryndarǵa kirýine bolmaıtynyn qatań eskertti.
Eske salaıyq, buǵan deıin Almatynyń Esentaı ózeninde kólikpen júrgen 17 jastaǵy jasóspirim 5 bap boıynsha jaýapkershilikke tartyldy.