Ózderin kári sanaıtyn adamdar aýrýhanaǵa jıi túsedi
ASTANA. QazAqparat - Óz zamandasynan ózin kári sanaıtyn adamdar jıi aýrýhanaǵa túsedi, dep málim etti kanadalyq ǵalymdar. Olar 24-102 jas aralyǵyndaǵy 10 myńnan astam adamnyń derekterin taldaǵan.
Zertteýshiler olar ózderin qanshalyqty jas sezingenin surady. Budan basqa, eriktiler erte paıda bolǵan aýrýlary (sýsamyr, obyr, júrek aýrýy, osteoporoz jáne artrıt) jaıly málimdedi. Bul rette eksperıment qatysýshylary saýalnama toltyrdy. Ol kúızelis deńgeıin aıqyndaýǵa járdemdesýi tıis.
Ózin óz jasynan kári sezinetinderdiń 10 jyl ishinde aýrýhanaǵa jatýy 10-25 paıyzǵa joǵary bolǵan. Qatysýshylarda kúızelis belgileriniń bolýy men densaýlyqtarynyń álsizdigi mamandarǵa osylaı seziný men aýrýhanaǵa jatý arasyndaǵy baılanysty túsindirýge járdemdesti. Zertteýshilerdiń pikirinshe, kúızelis pen aýrýhanaǵa túsý táýekelin fızıkalyq belsendilik tómendetedi dep habarlady Rosbalt.
