Ózbektiń kýrash kúresi 18-shi Jazǵy Azııa oıyndarynyń resmı baǵdarlamasyna engizildi
ASTANA. QazAqparat - Ashhabadtaǵy Azııa Olımpıada keńesiniń (AOK) bas assambleıasynda ózbektiń kýrash kúresin 18-shi Jazǵy Azııa oıyndarynyń resmı baǵdarlamasyna engizýge sheshimi qabyldandy, dep habarlaıdy ÝzTAG.
«Kýrashty qurlyqtyq eń mańyzdy Olımpıada oıyndarynyń resmı sporttyq baǵdarlamasyna qosý bul kúres túriniń tek Azııada emes, búkil ǵalamsharda odan ári jan-jaqty damytý jáne tanytýdyń jańa dáýiri bastalǵanyn bildirip otyr», - dedi ІKA prezıdentiniń mindetin ýaqytsha atqarýshy jáne Azııa Olımpıada keńesi Azııa oıyndary departamentiniń dırektory Haıdar Farman.
Halyqaralyq kýrash qaýymdastyǵynyń (ІKA) aqparatyna sáıkes, Indonezııadaǵy oıyndarda sportshylar kýrash boıynsha 15 medal jıyntyǵyna baq talastyrady - jarystar er adamdar arasynda - jeti, al áıelder arasynda segiz salmaq dárejesinde ótedi.
Osylaısha, kýrash birden úsh túrli Azııa oıyndary - 2016 jyly Vetnamda ótetin jaǵajaıdaǵy Azııa oıyndary, 2017 jyly Túrkimenstandaǵy Jaýyngerlik óner jáne ǵımarattaǵy Azııa oıyndary, 2018 jyly Indonezııada ótetin Jazǵy Azııa oıyndarynyń resmı sporttyq baǵdarlamalarynda kórsetilgen.
