Ózbekstannyń jańa Dreamliner ushaǵy alǵashqy halyqaralyq reısin Almatydan bastaıdy
ASTANA. QazAqparat - «Ýzbekıston havo ıýlları» ulttyq kompanııasynyń jańa Boeing-787-Dreamliner ushaǵy Almatyǵa halyqaralyq reıs jasaıdy, dep habarlady podrobno.uz kompanııanyń baspasóz qyzmetine silteme jasaı otyryp.
9 qyrkúıek kúngi reıs kestesi: HY 763 Tashkentten (19.10) Almatyǵa (21.40), Almatydan (22:40) Tashkentke (23:20).
«Arman laıneri» 5 qyrkúıekte alǵash ret áýege kóterilgen bolatyn. Onyń Tashkent-Úrgenish-Buhara-Tashkent baǵytyndaǵy reıs sátti ótti.
Ózbekstan eki Boeing-787 Dreamliner satyp alý jóninde shartqa 2008 jyly qol qoıǵan. Onyń naqty quny aıtylmaıdy, alaıda ushaqtyń jabdyqtalýyna qatysty katalogta quny 150-den 180 mıllıon dollar shamasynda dep kórsetilgen.
