Ózbekstannyń tuńǵysh prezıdentiniń uly muragerlikke qatysty sotqa júgindi

TAShKENT. QazAqparat – Ózbekstannyń tuńǵysh prezıdentiniń uly Petr Karımov muragerlikke qatysty ákesiniń jesiri Tatıana Karımovanyń ústinen talap-aryz berdi, dep habarlaıdy QazAqparat Ózbekstan Joǵarǵy sotynyń saıtyna silteme jasap.

Tashkent qalasynyń azamattyq ister jónindegi ıAkqasaraı aýdanaralyq soty Petr Islamuly Karımovtiń Ózbekstannyń tuńǵysh prezıdentiniń jesiri Tatıana Akbarqyzy Karımovaǵa qarsy talap aryzyn qaraıdy. 26 maýsymǵa josparlanǵan otyrys týraly aqparat Joǵarǵy sottyń saıtynda sot otyrystarynyń kesteleri bóliminde ornalastyrylǵan.

Kestedegi aqparatqa sáıkes, qaralatyn is «muragerlik quqyǵynan týyndaıtyn daýlarǵa» qatysty bolmaq.

Petr Karımov – Islam Karımovtyń Natalıa Kýchmamen alǵashqy nekesinde dúnıege kelgen ul. Qazirgi ýaqytta ol Reseıdiń Máskeý oblysynda turady, dep jazady BAQ. Islam Karımov 2016 jyldyń 2 qyrkúıeginde qaıtys boldy. Onyń Tatıana Karımovamen nekesinen eki qyz bar — Gúlnár jáne Lola. Tuńǵysh Prezıdenttiń resmı ómirbaıanynda onyń úsh balasy bar ekendigi kórsetilgen.