Ózbekstannyń premer-mınıstri otyrǵan Mercedes apatqa ushyrady
TAShKENT. QazAqparat - Ózbekstannyń Premer-mınıstr Abdýlla Arıpov jol-kólik oqıǵasyna ushyrady, dep habarlaıdy QazAqparat Ózbekstan Bas prokýratýrasynyń saıtyna silteme jasap.
Jol-kólik oqıǵasy 20 tamyzda «Karasý - Býka - Bekabad» tasjolynda bolǵan. Eldiń premer-mınıstri jáne onyń orynbasary Alısher Sýltonov, Prezıdent apparatynyń jaýapty qyzmetkeri Qurbanov otyrǵan Mercedes-Benz kóligine Damas mıkroven soǵylǵan.
Habarlamaǵa qaraǵanda, mıkrovenniń júrgizýshisi Bahtıer Saııdov kóligin basqara almaı qalyp, qarsy baǵyttaǵy kólikpen soqtyǵysqan.
Kólik oqıǵasynan premer-mınıstr Abdýlla Arıpov jeńil jaraqattansa, al onyń orynbasarynyń aıaǵy, qabyrǵasy synǵan. Qurbanovty dárigerler qarap, úıine jiberdi.
Ózbekstannyń Bas prokýtýrasy osy kólik apatyn tekserip jatyr.
