Ózbekstannyń OSK prezıdent saılaýyna qatysatyn barlyq úmitkerlerdi tirkedi
TAShKENT. QazAqparat - Ózbekstanda resmı tirkelgen barlyq tórt saıası partııalar prezıdenttik saılaýǵa qatysatyn óz úmitkerlerin tirkedi. Bul týraly búgin brıfıngte Ózbekstannyń OSK tóraǵasy Mırza-Ýlýgbek Abdýsalomov habarlady.
«Ortalyq saılaý komıssııasy berilgen qujattardyń saılaý zańnamasyna sáıkestigi týraly qorytyndy berip, úmitkerlerdi tirkedi. Endi olardyń saılaý aldy úgit-nasıhaty bastalady», - dedi ol.
Ózbekstannyń lıberaldyq-demokratııalyq partııasy, «Mıllıı tıklanısh» ulttyq-demokratııalyq partııasy, ÓHDP, «Adolat» ÁDP osy aptada OSK-ǵa úmitkerler - eldiń qazirgi prezıdenti Islam Kárimov, parlamenttegi «Mıllıı tıklanısh» fraktsııasynyń múshesi Akmal Saıdov, ÓHDP Ortalyq keńesiniń tóraǵasy Hatamjon Ketmonovtyń, «Adolat» atqarýshy komıtetiniń tóraǵasy Narımon Ýmarovtardyń tirkeý qujattaryn usyndy.
