Ózbekstannyń Naýaýı oblysynyń mektepterine qazaq tilindegi kitaptar syıǵa berildi
TAShKENT. QazAqparat - Ózbekstan táýelsizdigi kúnin merekeleýge baılanysty, Naýaýı oblysynyń jekelegen aýdandarynda bilim berý mekemeleriniń ashylý saltanatynda Qazaqstan Respýblıkasynyń Ózbekstandaǵy elshiligi men Ózbekstandaǵy qazaq ulttyq mádenı ortalyǵy syılyqtar tabystady, dep habarlaıdy «QazAqparat» HAA menshikti tilshisi.
Bilim berý mekemesiniń ashylý saltanatynda QR Ózbekstandaǵy Tótenshe jáne Ókiletti elshisi Erik Ótembaev Ózbekstanda jastardyń zamanǵa saı bilim alyp, shet tilderin meńgerýlerine barlyq jaǵdaı jasalyp, únemi kóńil bólinetindigi oń nátıje berip kele jatqandyǵyn aıtyp ótti.
Naýaýı oblysynda ózbek jáne qazaq ulttarynyń ókilderi Ózbekstannyń damýy jolynda birlese eńbek etip, beıbitshilik jáne kelisim jaǵdaıynda ómir súrip jatyr. Qazirgi ýaqytta Ózbekstan Respýblıkasynyń Úshqudyq aýdany Júzqudyq aýylyndaǵy №2 jańa mektebi qajetti qazaq tildi jáne basqa tilderdegi oqýlyqtar jáne ádebıettermen qamtamasyz etilgen. Kompıýterlik synypta oqýshylardyń aqparattyq-kommýnıkatsııalyq tehnologııalardy keńinen paıdalanýyna barlyq jaǵdaı jasalǵan. Mektep kabınetteri jańa zaman talaptaryna saı jablyqtalǵan. Qazaqstan Respýblıkasynyń Ózbekstandaǵy elshiligi jáne Ózbekstandaǵy qazaq ulttyq mádenı ortalyǵy jańa mektepke qajetti oqý quraldaryn, planshetter men qazaq tilindegi 300 kitapty syıǵa tartty. 
