Ózbekstannyń memlekettik qyzmetshileri Nursultan Nazarbaevtyń kitabyn oqıdy

TAShKENT. QazAqparat - Elbasy Nursultan Nazarbaevtyń «Ǵasyrlar toǵysynda» kitaby ózbek tilinde jaryq kórdi. Ózbekstan prezıdenti Shavkat Mırzıeev búgin onyń bir danasyn Elbasy Nursultan Nazarbaevqa syıǵa tartty, dep habarlaıdy QazAqparattyń arnaýly tilshisi Tashkentten.

«Qurmetti Nursultan Ábishuly, bizge degen zor qurmetpen ózińizdiń «Ǵasyrlar toǵysynda» dep atalatyn kitabyńyzdy syıǵa tartpaqpyn. Bul kitap keshe ǵana ózbek tilinde jaryq kórdi», - dedi Ózbekstan prezıdenti Qazaqstan basshysy Nursultan Nazarbaevpen  shaǵyn jáne keńeıtilgen quramdaǵy kelisózderden keıingi birlesken málimdeme barysynda.

Sonymen qatar Shavkat Mırzıeev  bul kitap Ózbekstan prezıdenti janyndaǵy memlekettik basqarý akademııasynyń tyńdaýshylaryna dáris retinde oqytylatyndyǵyn atap ótti.