Ózbekstannyń Qazaqstandaǵy jańa elshisi taǵaıyndaldy
ASTANA. QazAqparat - Ózbekstan syrtqy ister mınıstriniń burynǵy orynbasary Saıdıkram Nııazhodjaev Ózbekstannyń Qazaqstandaǵy elshisi atandy, dep habarlaıdy QazAqparat Ózbekstan syrtqy ister mınıstrliginiń saıtyna silteme jasap.
Búgin, 10 naýryzda jańa elshi óz dıplomatııalyq mıssııasyn bastaý úshin Astanaǵa keldi.
Eske sala ketsek, buǵan deıin Saıdıkram Nııazhodjaev Ózbekstan syrtqy ister mınıstriniń orynbasary bolyp qyzmet etken.
Saıdıkram Nııazhodjaevtyń negizgi mamandyǵy ınjener-qurylysshy, Syrtqy ister mınıstrligine deıin ol Ózbekstan Respýblıkasy Prezıdentiniń apparatynda, úkimettik qurylymdarda laýazymdy qyzmetter atqarǵan. Memlekettik keńesshiniń orynbasary, ekonomıka mınıstriniń orynbasary bolǵan.
