Ózbekstannyń hımııalyq zaýytynda jarylys boldy, adam ólimi bar
ASTANA. QazAqparat - Ózbekstandaǵy azotty tyńaıtqyshtyń eń iri óndirýshisi "Ferǵanaazot" AQ-da beısenbi kúni jarylys boldy, adam ólimi bar, dep habarlaıdy QazAqparat «RIA Novostı» agenttigine silteme jasap.
«23 aqpan kúni Ferǵanadaǵy "Ferǵanaazot" AQ-da máskeý ýaqytymen 14.30-da ammıakty tsehta jóndeý-montajdaý jumystaryn júrgizý kezinde jarylys boldy. Qurbandar bar», - delingen eldiń Tótenshe jaǵdaılar mınıstrligi taratqan habarlamada. Qurbandar sany kórsetilmegen.
TJM málimetine sáıkes, oqıǵanyń sebebi men mán-jaıyn anyqtaý, sondaı-aq zardap shekkenderdiń otbasylaryna qajetti barlyq kómekti kórsetý boıynsha úkimettik komıssııa quryldy.
Foto: Rosbalt
