Ózbekstannyń birneshe óńirin shańdy daýyl basty
TAShKENT. ÓzA - QazAqparat - 4 qarashada Ózbekstan aýmaǵynda soqqan jeldiń áserinen topyraqtyń óte qurǵaq qunarly qabaty kóterilip, keıbir aýdandarda kórý múmkindigi 500-1000 metrge deıin tómendep, shań men qum borady, dep habarlaıdy QazAqparat ÓzA-ǵa silteme jasap.
Boraǵan shań mólsheri normadan 5 esege artqan.
Bul jaǵdaı Tashkent jáne Syrdarııa aýmaǵynda baıqalǵan.
Gıdrometeorologııa qyzmetiniń málimetinshe, 4 qarasha kúni keshke Tashkentte baıqalǵan qoıý shań qatty jeldiń soǵýy saldarynan qurǵaq jer ústi qabatynyń kóterilýinen paıda bolǵan.
4 qarashada Ózbekstan aýmaǵyna Oraldan sýyq aýa aǵyndary keldi. Jeldiń jyldamdyǵy 12-15 m/s, al Buhara, Naýaı, Jyzaq oblystarynyń keı jerlerinde 20-25 m/s deıin kúsheıdi.
