Ózbekstannyń ashyq ekonomıkaǵa kóshýi Ortalyq Azııadaǵy básekelestikti arttyrady
ASTANA. QazAqparat - Ózbekstannyń ashyq ekonomıkaǵa kóshýi Ortalyq Azııadaǵy básekelestikti arttyrady. Mundaı boljamdy búgin Eýropalyq qaıta qurý jáne damý banki dırektorynyń orynbasary, bas óńirlik ekonomısi Hans Holtshakker jasady, dep habarlaıdy QazAqparat.
Onyń sózine qaraǵanda, Qazaqstan naryqtyq ekonomıkany damytýda úlken jetistikterge qol jetkizdi. Degenmen, erkinsýge bolmaıdy. Óıtkeni, básekege qabilettikpen, ımportpen baılanysty birqatar syn-qater bar. Sonymen qatar ashyq naryqtyq ekonomıkaǵa kóshken Ózbekstan da óńirdegi básekelestikti arttyra túsetin bolady.
«Bul oń qubylys. Biraq, Qazaqstan úshin qandaı da bir básekelestik degendi bildirgenimen tolyqtaı alǵanda elderińiz úshin jaqsy da. Oǵan qarsy áreket etip, básekege qabilettilikti jaqsarta túsken jón. Qazaqstan tsıfrlandyrýǵa, óndiris ónimdiligin arttyrýǵa negizdelgen ósimniń jańa modelin ıgerýi qajet. Ekonomıkany ártaraptandyryp, munaı men gazdan basqa kiris kózderin tabýlary kerek», - dedi EQDB ókili.
Foto: algarveglobal.com
