Ózbekstannyń arnaıy qyzmetteri Tájikstannan Qazaqstanǵa baǵyttalǵan iri kólemdegi esirtkiniń tasymalynyń jolyn kesti
TAShKENT. 17 qańtar. QazAqparat /Qurmat Samarhan/ - Ózbekstannyń Ulttyq qaýipsizdik qyzmetiniń jedel qyzmetkerleri Tájikstannan Qazaqstanǵa baǵyttalǵan iri kólemdegi esirtkiniń tasymalynyń jolyn kesti, dep habarlaıdy ózbektiń «Vestı.uz» aqparat agenttigi.
Naqtyraq aıtsaq, Ózbekstannyń astanasyna kireberiste «Neksııa» avtokóligi toqtatylyp, onyń ishinen esirtki zattarynyń iri partııasy tárkilendi.
"Jedel tekseris nátıjesinde, tárkilengen esirtkiniń salmaǵy 10 keli bolatyn geroın men salmaǵy 6 kelilik apıyn shıkizaty ekendigi anyqtaldy. Taýardyń ıeleri qazaqstandyq eki azamat bolyp shyqty. Olar esirtki zattaryn Tájikstannan Ońtústik Qazaqstan oblysyna jetkizbek bolypty. Atalmysh fakti boıynsha qylmystyq is qozǵaldy, tergeý júrip jatyr", - dep habarlaıdy agenttik.
