Ózbekstannyń 9 azamaty QR men RF shekarasyn qupııa oryn arqyly kesip ótpek bolǵan
Kóshi-qon zańnamasyn buzǵan Ózbekstan azamattarynyń jasy - 22-den 35 jas aralyǵynda, olardyń arasynda bir áıel bolǵan. Qostanaı oblystyq sotynyń baspasóz qyzmetiniń habarlaýynsha, zańsyzdardy shekara jasaǵy «Obaǵan» avtomobıldi ótkizý beketinde júk kóligin tekserý barysynda anyqtaǵan.
«Jastar shekarany kesip ótý barysynda metall synyqtardyń astynda ornalasqan qupııa orynǵa tyǵylǵan, - dep túsindirdi vedomstvonyń baspasóz hatshysy Indıra Qusaıynova. - Olar sotta ózderiniń bul áreketin Reseı Federatsııasyna barýǵa tyıym salynǵandyǵymen túsindirdi».
Sot zańsyz mıgranttardy QR Ákimshilik quqyq buzýshylyq kodeksiniń 514-baby 2-tarmaǵy ( Qazaqstan Respýblıkasynyń Memlekettik shekara rejimin buzý) boıynsha aıypty dep tanyp, elden shyǵarý arqyly ákimshilik jazaǵa tartty.
