Ózbekstannyń 50 ataqty aspazy mega-palaý pisirdi
TAShKENT. QazAqparat - «O'zbegim» dástúrli mádenıet festıvali aıasynda 8 tonna palaý pisirý josparlanǵan. Uıymdastyrýshylar 8 qyrkúıekte ótetin mańyzdy sharaǵa daıyndyq barysyn, ıaǵnı salmaǵy 8 tonna palaýdy ázirleý kezinde túsirilgen vıdeo men sýretterdi jarııa etti.
Palaý dıametri 4,2 metr jáne syıymdylyǵy 8 myń lıtrlik qazanda pisirildi. Ony osy sharaǵa arnap Almalyq taý-metallýrgııalyq kombınaty quıdy. Qazannyń jalpy salmaǵy 7 070 keli, tereńdigi - 1 metr. Qazan qoıylatyn oshaqtyń óziniń salmaǵy 3 tonna.
Atalmysh asty pisirý úshin 826 keli sıyr eti, 825,5 keli qoı eti, 195 keli qoıdyń maıy men 1 650 keli kúrish paıdalanylǵan. Sonymen qatar, qazanǵa 2 400 keli sábiz, 185 keli pııaz, 350 lıtr ósimdik maıy men 48 keli tuz salynǵan. Al astyń dámin keltirý úshin 4,5 keli zıre (tmın), 165 keli sıyrqaraqat (barbarıs), 90 keli burshaq pen 3 keli qara burysh qosyldy.
Osy palaýdy ázirleýge Ózbekstannyń túkpir túkpirinen 50 ataqty aspaz jınaldy. Kúrishti kúıdirip almas úshin olar uzyndyǵy 2 metrlik ojaýmen aralastyryp otyrǵan.
