Ózbekstannyń jalpy ishki ónimin 1 dollarǵa arttyrý úshin 2,5 ese kóp energııa jumsalady

TAShKENT. KAZINFORM – Ózbekstanda iri kásiporyndar úshin elektr energııasy, gaz jáne munaı ónimderin tutyný normatıvi bekitiledi, dep habarlaıdy Kazinform agenttiginiń menshikti tilshisi.

Elektr energııasyn únemdeý máseleleri boıynsha keńes ótkizgen Ózbekstan prezıdenti Shavkat Mırzıeev byltyr elde 50 mlrd tekshe metr tabıǵı gaz jáne 81 mlrd kılovatt-saǵat elektr energııasy óndirilgenin atap ótti.

Boljamǵa sáıkes, 2035 jylǵa qaraı kórshiles memlekette elektr energııasyn tutyný kólemi 1,7 ese artady. Bul qajettilikti jabý úshin tek óndirý kórsetkishterin arttyrý jetkiliksiz. Tıisinshe, energııany únemdeýge múmkindik beretin mehanızmderdi engizýge basymdyq berý qajet.

Ózbekstan basshsynyń baspasóz qyzmetinen málim etkendeı, eldiń jalpy ishki ónimin 1 dollarǵa arttyrý úshin ózge álem memleketterimen salystyrǵanda 2,5 ese kóp energııa jumsalady. Sonymen qatar, elektr energııasynyń – 14%, tabıǵı gazdyń 7%-dan astamy jelilerde shyǵyndalyp jatyr.

Atalǵan máselelerdi sheshý úshin Shavkat Mırzıeev jaýapty organdarǵa birqatar tapsyrma berdi. ıAǵnı, bıyl respýblıka boıynsha 1,6 mlrd tekshe metr tabıǵı gaz jáne 3,5 mlrd kılovatt-saǵat elektr energııasyn únemdeý josparlanyp otyr.

Bul nátıjege qol jetkizý úshin árbir kásiporyn men uıymǵa ǵylymı taldaýǵa negizdelgen usynys berilip, normatıvter belgilenedi. Osy jumystardyń esebinen elektr energııasnyń shyǵynyn 5-10%-ǵa qysqartý kózdelgen.

Eske salaıyq, Ózbekstannyń iri qalalarynda qorshaǵan ortaǵa zalal keltiretin kásiporyndardy ashýǵa tyıym salynady.

Sondaı-aq, bıyl 2,5 aıda ózbekstandyqtar 25 mln dollardyń gazyn zańsyz paıdalanǵan.

Munymen birge, Ózbekstanda elektr júıesine zańsyz qosylǵan maınıng ferma $138 myń shyǵyn keltirdi.