Ózbekstannyń jalpy memlekettik qaryzy 75 mlrd dollardan asty

TAShKENT. KAZINFORM — 2025 jyldyń 9 aıynda Ózbekstannyń jalpy memlekettik qaryzy 11,3 mlrd dollarǵa kóbeıdi, dep habarlaıdy Kazinform agenttiginiń menshikti tilshisi. 

Ózbekstannyń Ortalyq bankinen málim etkendeı, byltyrǵy úsh toqsannyń qorytyndysy boıynsha syrtqy memlekettik qaryz 37,4 mlrd dollarǵa teńeldi. Al korporatıvtik borysh 38 mlrd dollarǵa jetti. Osylaısha, jalpy qaryz mólsheri 75 mlrd dollardan asty.

Qosa ketsek, Ózbekstan kóleńkeli ekonomıkanyń ishki jalpy ónimdegi úlesin 29%-ǵa deıin tómendetýge nıetti.

Sondaı-aq, bıyl Ózbekstan memlekettik bıýdjettiń 55% áleýmettik salaǵa baǵyttaıdy.

Buǵan deıin habarlaǵanymyzdaı, 2025 jyly Ózbekstannyń ishki jalpy ónim kólemi 145 mlrd dollardan asty.