Ózbekstannyń týrıstik ortalyǵynda samokat tebýge shekteý qoıylady
ASTANA. KAZINFORM — Ózbekstannyń negizgi týrıstik baǵyttarynyń biri Buharada elektrli samokattardy, skýterlerdi, rıkshalardy, mopedterdi, kvadrotsıklderdi jáne kartıńdi qoldanýǵa, sondaı-aq atpen jáne túıemen serýendeýge shekteýler qoıylady.
Shekteýler Buharanyń tarıhı bóliginde engiziledi.
Buhara qalasy ákiminiń sheshimine sáıkes, jańa erejeler 1 qazannan bastap kúshine enedi.
Qujatqa qaraǵanda, qalanyń tarıhı bóliginde jolaýshylar tasymalyna arnalmaǵan jáne Ózbekstan zańdaryna sáıkes kelmeıtin elektr kólikteri, rıkshalar, velosıpedter, samokattar jáne basqa da kólik quraldary qaptap ketken. Olardyń retsiz qozǵalysy týrıster men jaıaý júrginshiler úshin qaýipke aınalǵan.
Osyǵan baılanysty shekteý engizilgen jerlerge arnaýly kórsetkishter men jol belgileri ornatylady.
Eske sala keteıik, Qazaqstanda 2026 jylǵy 25 tamyzda bastap elektrosamokattardyń trotýarlar men jaıaý júrginshiler joldarymen júrýine tyıym salatyn jańa tártip kúshine endi.
