Ózbekstan halqynyń sany 38 mıllıonǵa jetti

ASTANA. KAZINFORM – Ulttyq statıstıka komıtetiniń málimeti boıynsha, 2025 jylǵy 28 tamyz saǵat 9:35-tegi jaǵdaı boıynsha Ózbekstan Respýblıkasynyń turaqty turǵyndarynyń sany 38 000 000 adamǵa jetti. 

Ózbekstannyń turaqty turǵyndarynyń ishinde erlerdiń sany áıelderge qaraǵanda 273 600 adamǵa kóp.

Atap aıtar bolsaq:

erler sany – 19 136 800

áıelder sany – 18 863 200 adam

Mamandardyń aıtýynsha, 2030 jylǵa qaraı Ózbekstan halqynyń sany 40 mıllıon adamǵa jetedi dep kútilip otyr. Bul – Ortalyq Azııa halqynyń jartysy. Keıingi 30 jylda bul eldegi halyq sany 15 mıllıon adamǵa ósti. Ol turaqty demografııalyq dınamıka kórsetkishiniń jaqsarǵanyn kórsetedi.

Ózbekstanda ortasha ómir súrý uzaqtyǵy 74,3 jasty quraıdy.

Buǵan deıin BUU 2100 jylǵa qaraı Ózbekstan halqynyń sany 74 mıllıonnan asatynyn boljaǵan bolatyn.