Ózbekstannyń turaqty halqynyń sany 37 mıllıonǵa jýyqtady

TAShKENT. KAZINFORM – 2024 jylǵy 1 sáýirdegi jaǵdaı boıynsha respýblıkanyń turaqty turǵyndarynyń sany 36 963 262 adam bolǵan. Bul týraly Ózbekstan prezıdenti janyndaǵy statıstıka agenttigi habarlady.

16 sáýirde bul san 36 990 128 boldy.

Respýblıkanyń turaqty turǵyndarynyń sany ótken jyldyń sáıkes kezeńimen salystyrǵanda 2,1% ósti.

2024 jyldyń basynan beri halyq sany 163 500 adamǵa artqan.

Ózbekstan halqy 2024 jyldyń ár aıynda orta eseppen 54,5 myń adamǵa kóbeıip jatyr.

2024 jylda ár kún saıyn turaqty turǵyndarynyń sany orta eseppen 1,8 myń adamǵa artyp otyr.

2024 jyldyń qańtar aıynda Ózbekstan halqynyń sany 36,8 mıllıonǵa jýyqtaǵan edi.