Ózbekstannyń syrtqy qaryzy 68,4 mıllıard dollarǵa jetti

TAShKENT. KAZINFORM – 2025 jyldyń birinshi toqsanynda Ózbekstannyń syrtqy qaryzy 4,3 mlrd dollarǵa ósti, dep habarlaıdy Kazinform agenttiginiń menshikti tilshisi.

Ózbekstan Ortalyq bankiniń dereginshe, qańtar-naýryz aılary aralyǵynda eldiń jıyntyq syrtqy qaryzy 68,4 mlrd dollarǵa jetken. Onyń ishinde 35,8 mlrd dollar memlekettiń syrtqy qaryzy bolsa, 32,6 mlrd dollar korporatıvtik bereshek sanalady.

Retteýshi organnyń esebinde baıandalǵandaı, birinshi toqsanda álemdik ekonomıkada kúrdeli ózgerister boldy. Osyǵan baılanysty jahandyq naryqta energııa resýrstarynyń baǵasy qymbattady. Bul úrdis Ózbekstannyń eksport áleýetiniń álsireýine jol bermedi.

Eske salaıyq, 2024 jyldyń qorytyndysy boıynsha Ózbekstannyń jalpy memlekettik syrtqy qaryzy 10,8 mlrd dollarǵa ósip, 64,1 mlrd dollarǵa jetken edi. Osylaısha, qaryz somasy eldiń jalpy ishki ónim kóleminiń 55,7 paıyzyna teńeldi.

Qosa ketsek, Dúnıejúzilik bank bıylÓzbekstan ekonomıkasynyń ósimin 5,8% deńgeıinde boljap otyr.