Ózbekstannyń syrtqy qaryzy $60 mlrd-tan asty

TAShKENT. KAZINFORM – Bıylǵy 9 aıdyń qorytyndysy boıynsha Ózbekstannyń jalpy syrtqy qaryzy $60,2 mlrd-qa jetti, dep habarlaıdy Kazinform agenttiginiń menshikti tilshisi.

Ózbekstannyń Ortalyq bankinen málim etkendeı, eldiń memlekettik qaryzy - $32,5 mlrd, al korporatıvtik (jeke) qaryz $27,7 mlrd shamasynda.

Osylaısha, jyl basynan beri kórshiles memlekettiń syrtqy bereshegi $7,2 mlrd-qa ósken.

Qosa ketsek, Qazaqstan men Ózbekstan arasyndaǵy taýar aınalymy $3,8 mlrd-tan asty.

Buǵan deıin habarlaǵanymyzdaı, Ózbekstannyń Dúnıejúzilik saýda uıymyna qosylý protsesi aıaqtalýǵa jaqyn.

Eske salaıyq, keler jyly Ózbekstan $43 mlrd ınvestıtsııany ıgerýdi josparlap otyr.

Taıaýda Ózbekstan Senaty eldiń 2025 jylǵa arnalǵan bıýdjetin maquldaǵan bolatyn. Oǵan saı, shoǵyrlandyrylǵan bıýdjet kirisi 431 trln sým (shamamen $33,4 mlrd), shyǵystar 480,5 trln sým ($37,3 mlrd) shamasynda josparlanǵan.