Ózbekstannyń Ortalyq banki bazalyq mólsherlemeni taǵy da ózgerissiz qaldyrdy
TAShKENT. KAZINFORM — Ózbekstan Ortalyq bankiniń Basqarmasy bazalyq mólsherlemeni jyldyq 14% deńgeıinde saqtap qalý sheshimin qabyldady, dep habarlaıdy Kazinform agenttiginiń Tashkenttegi menshikti tilshisi.
Bankten málim etkendeı, mamyrda jyldyq ınflıatsııa 5,5%-ǵa deıin báseńdedi. Sonymen qatar 2026 jyldyń sońyna qaraı eldiń ishki jalpy ónim kólemi 7-7,5 paıyzǵa deıin ósýi yqtımal.
— Inflıatsııanyń tómendeýi jáne ekonomıkalyq belsendiliktiń artqany baıqalyp otyr. Bul rette bıyl maýsymnan bastap energııa resýrstary tarıfteriniń qymbattaýy baǵanyń ósýine áser etýi múmkin, — delingen Ózbekstan Ortalyq bankiniń habarlamasynda.
Bazalyq mólsherleme boıynsha kelesi otyrys bıyl 29 shildede ótedi.
Eske salaıyq, Ózbekstannyń Ortalyq banki bazalyq mólsherlemeni ózgerissiz qaldyrý týraly sheshimdi keıingi ret 29 sáýirde qabyldaǵan edi.
Ózbekstan prezıdenti Shavkat Mırzıeevtiń aıtýynsha, bıyl kórshiles eldiń ishki jalpy ónim kólemi 180 mlrd dollardan asady.
