Ózbekstannyń Ortalyq banki bazalyq mólsherlemeni 14% deńgeıinde qaldyrdy
TAShKENT. KAZINFORM — Ózbekstan Ortalyq bankiniń Basqarmasy bazalyq mólsherlemeni jyldyq 14% deńgeıinde saqtap qalý sheshimin qabyldady, dep habarlaıdy Kazinform agenttiginiń Tashkenttegi menshikti tilshisi.
Bankten málim etkendeı, maýsymda jyldyq ınflıatsııa 6,4%-ǵa deıin jedeldedi. Buǵan eń aldymen tarıfterdiń kóterilýi jáne kómir baǵasyn memleket tarapynan retteýdi toqtatý sebep boldy.
Bul rette ekonomıkalyq belsendilik artty. Atap aıtqanda, jarty jylda Ózbekstannyń ishki jalpy ónim kólemi 8,5%-ǵa ósti.
— Osy faktorlardy eskere otyryp, bazalyq mólsherlemeni jyldyq 14% deńgeıinde saqtap qalý ınflıatsııany turaqty túrde baıaýlatýǵa múmkindik beredi, — dep málim etti Ortalyq bankten.
Bazalyq mólsherleme boıynsha kelesi otyrys bıyl 16 qyrkúıekte ótedi.
Eske salaıyq, QR Ulttyq banki bazalyq mólsherlemeni 16,75% deńgeıinde belgiledi.
Ulttyq banktiń málimetinshe, bazalyq mólsherlemeniń tómendeýi teńge baǵamyna áser etpeıtinin aıtqan edi.
