Ózbekstannyń Ortalyq banki alaıaqtar urlaǵan 732 myń dollardy buǵattap tastady

TAShKENT. KAZINFORM — Byltyr Ózbekstannyń Ortalyq banki alaıaqtar urlaǵan 9,5 mlrd sýmdy (shamamen $732 myń) buǵattap tastaǵan, dep habarlaıdy Kazinform agenttiginiń menshikti tilshisi.

2024 jyly quqyq qorǵaý organdary Ortalyq bankke qoldanýshylardyń qupııa derekterin suratyp, 2 502 ótinish joldaǵan. Bul rette retteýshi alaıaqtyq faktileri boıynsha qylmystyq iske qatysy bar 460 aryz negizinde aqparat usynǵan.

— Bankter qabyldaǵan jedel sharalardyń nátıjesinde urlanǵan 9,5 mlrd sým aqsha túsken bank kartalary Ortalyq banktiń tapsyrmasymen buǵattaldy, — dep málim etti retteýshi organnyń baspasóz qyzmetinen.

Eske salaıyq, byltyr Ózbekstanda jemqor sheneýnikter memleketke $278,3 mln zalal keltirdi.

Sonymen qatar, 2024 jyly Qazaqstannan Ózbekstanǵa 800 mln dollarǵa jýyq aqsha aýdarylǵan.