Ózbekstannyń memlekettik qaryzy 44 mlrd dollarǵa jýyqtady

TAShKENT. KAZINFORM — 1 qazandaǵy jaǵdaıǵa sáıkes, Ózbekstannyń memlekettik qaryzy 43,9 mlrd dollarǵa teńeldi, dep habarlaıdy Kazinform agenttiginiń menshikti tilshisi.

Qarjy jáne ekonomıka mınıstrliginiń málimetinshe, jyl basynan beri bereshek somasy 3,75 mlrd dollarǵa kóbeıdi. Qaryzdyń ósý qarqyny úshinshi toqsanda baıaýlady. Atalǵan kezeńde halyqaralyq qarjy uıymdarynan 473 mln dollar nesıe alynǵan. 

Jalpy jyl basynan beri eń joǵary kórsetkish birinshi toqsanda tirkelgen. ıAǵnı, qańtar-naýryz aralyǵynda memlekettik qaryz birden 2,38 mlrd dollarǵa ósti.

Osylaısha, bereshektiń ishki jalpy ónimdegi úlesi 35%-dan 32,3%-ǵa deıin tómendedi.

Buǵan deıin habarlaǵanymyzdaı, resmı Tashkent kóleńkeli ekonomıkanyń ishki jalpy ónimdegi úlesin 29%-ǵa deıin tómendetýge nıetti.

Eske salsaq, búginde Ózbekstan ekonomıkasynyń 8,3 mlrd dollardan asa qarajaty kóleńkede qalyp otyr.