Ózbekstannyń Qazaqstanmen shekaralas ornalasqan oblysynda jer silkindi

TAShKENT. KAZINFORM – Ózbekstannyń Naýaı oblysyna qarasty Kınemeh aýdanynda jer silkindi, dep habarlaıdy Kazinform agenttiginiń menshikti tilshisi.

Ózbekstan Seısmıkalyq monıtorıng ortalyǵynyń dereginshe, jerasty dúmpýi búgin saǵat 9:14-te tirkeldi.

Epıtsentrdegi jer silkinisiniń magnıtýdasy - 4, al irgeles Buhara oblysynyń Gıjdýan aýdanynda 2-3 ball boldy.

Aıta keteıik, Naýaı óńiri Qazaqstannyń Qyzylorda oblysymen shekaralas ornalasqan.

Qosa ketsek, 1 qyrkúıekke qaraǵan túni Aýǵanstanda kúshi 6 baldyq jer silkinisi bolyp, saldarynan 2200-den astam adam qaza tapty.

Bul týraly X áleýmettik jelisinde Talıban qozǵalysynyń resmı ókiliniń orynbasary Hamdýlla Fıtrat habarlady.