Ózbekstannyń Katardaǵy elshiligi ashyldy

Katar astanasy Doha qalasynda Ózbekstan Respýblıkasy dıplomatııalyq ókildiginiń ashylý saltanaty ótti, dep habarlaıdy Kazinform agenttiginiń menshikti tilshisi. 

«Dohada Ózbekstan Respýblıkasy Elshiliginiń ashylý saltanaty ótti. Eki el kóshbasshylarynyń nátıjeli jumysynyń arqasynda Ózbekstan men Katar arasyndaǵy qarym-qatynas buryn-sońdy bolmaǵan deńgeıde damyp keledi», - delingen Ózbekstan Syrtqy ister mınıstrliginiń habarlamasynda.

Aıta keteıik, bıyl mamyrda Katardyń dıplomatııalyq ókildigi Tashkentte ashylǵan bolatyn.

«Bul elshilikter bizdiń qarym-qatynasymyzdy nyǵaıtatyny sózsiz», - dep málim etti vedomstvodan.