Ózbekstannyń Energetıka mınıstrligi eldegi elektr qýatynyń úzilýine qatysty túsinik berdi
ASTANA.KAZINFORM - Sýrhandarııa jáne Ózbekstannyń basqa da birneshe oblystarynda elektr qýaty úzilip, turǵyndar jaryqsyz qaldy.
Ózbekstannyń Energetıka mınıstrliginiń málimetinshe, eldiń kóptegen aımaqtarynda elektr qýatymen jabdyqtaý tolyq qalpyna keltirildi.
-Kórshi eldiń energetıkalyq júıesindegi apat Ortalyq Azııa elektr jelisine áser etti. Nátıjesinde Sýrhandarııa men basqa da birneshe oblystarda elektr qýaty úzildi, - delingen mınıstrlik málimdemesinde.
Mınıstrlik qaı el týraly aıtyp otyrǵanyn naqtylamady.
Aıta keteıik, Tájikstan men Qyrǵyzstan aýdandary jappaı elektr qýatynsyz qaldy.
14 tamyz kúni tústen keıin Almatynyń tórt aýdanynda jáne Almaty oblysynyń 10 aýdanynda elektr qýaty úzildi.
