Ózbekstannyń Buhara oblysyn shegirtke basty
TAShKENT. KAZINFORM — Buhara men Horezm oblystaryn baılanystyratyn A380 tas jolyn shegirtke basty, dep habarlaıdy ÓR TJM.
Olardy der kezinde joıý maqsatynda Buhara oblysynyń shegirtke jáne tut kóbelekterine qarsy kúres qyzmeti eki brıgadaǵa bólinip, 4509 gektar aýmaqta hımııalyq óńdeý jumystaryn júrgizdi.
Tótenshe jaǵdaılar mınıstrligi bul aımaqtarda arnaıy tehnıkanyń kómegimen 15 ret hımııalyq óńdeý jumystary júrgizilgenin, qazir jaǵdaı tolyq baqylaýda ekenin habarlady.
Buhara oblysynyń Gazlı turǵyn alaby, Ramıtan, Qarakól, Taılaq aýdandary erekshe baqylaýǵa alynyp, olarda da baqylaý jumystary jalǵasyp jatyr.
Respýblıka boıynsha 472 739 gektar jerge monıtorıng júrgizildi. Monıtorıng nátıjesinde 267 myń 267 gektarǵa zııandy shegirtkelerdiń taraǵany anyqtaldy. Onyń 244 530 gektary hımııalyq óńdeýden ótken.
— Biz búkir sekseýil shegirtkesiniń aýylsharýashylyq daqyldaryna zııan keltirmeıtinin aıta alamyz. Aımaqtyq tótenshe jaǵdaılar shtaby túsken shaǵymdar boıynsha tekserý júrgizip jatyr, anyqtalǵan oshaqtar qysqa merzimde joıylýda, — delingen Ósimdikter karantıni jáne qorǵaý agenttiginiń esebinde.
Bıyl Qazaqstanda shegirtkemen kúreske 7 mlrd teńge bólinedi.
Sondaı-aq sáýir aıynda Túrkistan oblysynda shegirtke qaptaǵany jaıly dabyl qaǵyldy.