Ózbekstannyń birneshe óńirinde A gepatıtimen aýyrǵandar kóbeıdi
ASTANA. KAZINFORM - Ózbekstan aqparat jáne buqaralyq kommýnıkatsııalar agenttiginde ótken brıfıngte Sanıtarlyq-epıdemıologııalyq turaqtylyq jáne qoǵamdyq densaýlyqty saqtaý komıtetiniń aqparattyq qyzmeti jetekshisi Maftýna Saıdova bıylǵy jyly respýblıkada 9507 bala A gepatıtin juqtyrǵanyn málimdedi, dep habarlaıdy Kazinform.
Aýrý kórsetkishteriniń ósýi Ándijan, Buhara, Namangan, Surhandarııa, Samarqand, Ferǵana oblystarynda jáne Qaraqalpaqstan Respýblıkasynda baıqalady.
A gepatıtine qarsy vaktsınatsııa A gepatıtin juqtyrý jaǵdaılarynyń 94-98 paıyzynyń aldyn alady jáne vaktsınatsııadan keıin paıda bolýy múmkin aýyr asqynýlardy boldyrmaıdy. Aýrýǵa qarsy 18 aıdan 14 jasqa deıingi balalar egiledi. Vırýstyq gepatıt «A» vaktsınasymen vaktsınatsııadan keıin ımmýndyq kerneý 15 jylǵa deıin saqtalady.
Sońǵy 12 aıda respýblıka boıynsha barlyǵy 365 167 bala A vırýsty gepatıtine qarsy egildi.
