Ózbekstannyń altyn valıýta rezervteri tómendedi

Qordyń azaıýynan Ózbekstannyń altyn valıýta rezervteri tómendep, 32,89 mlrd dollar boldy. ıAǵnı, rezervterdegi qymbat metal kólemi 12,4 tonnaǵa qysqardy, dep habarlaıdy Kazinform agenttiginiń menshikti tilshisi.

Ortalyq banktiń málimetinshe, Ózbekstannyń resmı rezervtik aktıvteri tek qarasha aıynyń ózinde 7,5 mln dollarǵa azaıǵan. Al jalpy jyl basynan beri ol 3,04 mlrd dollarǵa tómendedi. 

Qarashada altynnyń baǵasy álem boıynsha 3,1%-ǵa qymbattap, 1 992 dollardan 2 058 dollarǵa deıin ósti. Jeltoqsan aıynyń basynda bul metaldyń quny taǵy kóterildi. Atap aıtqanda, onyń baǵasy tarıhta alǵash ret 1 ýntsııasy úshin 2 100 dollardan asty.

Eske sala ketsek, Ózbekstan qazan aıynda eń kóp altyn satqan el atanǵan bolatyn. Bul kezde atalǵan eldiń Ortalyq banki 11 tonna altyndy saýdalaǵan.