Ózbekstannyń altyn-valıýta qory 49 mıllıard dollardan asty

TASHKENT. Kazinform - 1 mamyrdaǵy jaǵdaı boıynsha Ózbekstannyń altyn-valıýta qorynyń kólemi 49,2 mlrd dollar boldy. Bul ótken aımen salystyrǵanda 2,9 paıyzǵa artyq, dep habarlaıdy Podrobno.uz. 

Ózbekstan Ortalyq bankiniń málimeti boıynsha, altyn áli de rezervterdiń negizgi bóligin quraıdy, ol 37,6 mıllıard dollardan asady. Bul rette onyń fızıkalyq kólemi 11,8-den 11,5 mln troıa ýntsııasyna deıin tómendedi.

Rezervterdiń valıýtalyq bóligi sáýirde 616 mıllıon dollardan astamǵa ósip, 11 mıllıard dollardy qurady.

Naýryz aıynda Ózbekstannyń altyn-valıýta qory jańa tarıhı maksımýmǵa jetip, 47,8 mıllıard dollardy quraǵan edi.

Eske sala keteıik, Qazaqstan altyn-valıýta qoryn satýdan jyl saıyn 5,5-6 mlrd dollar taýyp otyr.