Ózbekstannyń altyn eksporty segiz aıda 66%-ǵa tómendedi
ASTANA. KAZINFORM — Bıylǵy qańtardan tamyzǵa deıin Ózbekstan 2,8 mıllıard dollarlyq monetarlyq emes altyn eksporttady. Bul týraly juma kúni eldiń Ulttyq statıstıka komıteti habarlady.
2025 jyldyń osy kezeńimen salystyrǵanda altyn eksporty 66,3 paıyzǵa tómendegen. Byltyr alǵashqy segiz aıynda Ózbekstan 8,3 mıllıard dollarlyq altyn eksporttaǵan bolatyn.
Qujatqa sáıkes, eldiń jalpy eksportyndaǵy altynnyń úlesi de tómendedi. Bir jyl buryn ol 35,2 paıyz bolsa, bıylǵy qańtar-tamyz aılarynda 12,3 paıyzǵa deıin azaıǵan.
Ózbekstanda 2025 jyldyń qańtar-tamyz aılarynda jaǵdaı kerisinshe bolǵan: monetarlyq emes altyn eksporty 2024 jyldyń alǵashqy segiz aıymen salystyrǵanda 66,9 paıyzǵa ósken.
Eske salaıyq, Qazaqstan 2026 jyldyń ekinshi toqsanynyń qorytyndysy boıynsha ortalyq bankter arasynda altyndy eń kóp satyp alǵan álemdegi bes eldiń qataryna endi.
