Ózbekstannyń 16 aýdanynyń basshysy qyzmetinen bosatylýy múmkin

TAShKENT.KAZINFORM — Ózbekstan premer-mınıstri Abdýlla Arıpov ótken jyly bir de kópqabatty úı salynbaǵan 16 aýdannyń hokımderiniń laýazymdarǵa jaramdylyǵyn tekserýdi tapsyrdy, dep habarlaıdy Gazeta Uz.

Ótken jyly 2000 kópqabatty úı salyp, olardy halyqqa tapsyrý jospary tolyq oryndalǵan joq, ıaǵnı 124 úıdiń qurylysy aıaqtalmaı qaldy, al salynyp bitken 450 úı áli paıdalanýǵa berilgen joq.

Budan basqa, turǵyn úıge suranys joǵary bolǵanymen, 2023 jyly 16 aýdanda bir de kópqabatty úı salynbaǵan. Ózbekstan prezıdenti Shavkat Mırzıeev bul aýdandardyń hokımderin muny tipti josparlady dep synǵa aldy.

Ol eldiń premer-mınıstri Abdýlla Arıpovqa Nókis (Qaraqalpaqstan), Qaraýylbazar (Buhara oblysy), Navbahor (Navoı oblysy), Kasansaı (Namanǵan oblysy), Nurabad (Samarqan oblysy), Altynsaı, Mýzrabat, Kızırık, Bandıhan (Sýrhandarııa), Aqaltyn, Saıhýnabad, Mırzaabad, Havast (Syrdarııa), Pskent (Tashkent oblysy), Kýshtepa jáne Baǵdad oblystary (Ferǵana oblysy) hokımderiniń laýazymdaryna saı keletin-kelmeıtinin sheshýdi tapsyrdy.

Keshe Ózbekstan prezıdenti Shavkat Mırzıeev Tashkent qalasy kóshelerindeni jol keptelisi problemasy boıynsha keńes ótkizdi. Ózbekstan basshysy baspasóz qyzmetiniń málimetinshe, ol Tashkenttegi jol qozǵalysy úlken problemaǵa aınalyp otyrǵanyn atap ótti.