Ózbekstannyń 15 óńirinde barlyq memlekettik mekeme bir ǵımaratqa kóshiriledi
TAShKENT. KAZINFORM – Shavkat Mırzıeevtyń shaǵyn jáne orta bıznes ókilderimen kezdesýinde 15 qala men aýdandaǵy barlyq memlekettik mekeme úshin ár aýdan ortalyǵynda bir kópqabatty úı salynatyny belgili boldy, dep habarlaıdy Ózbekstan prezıdentiniń baspasóz qyzmeti.
Bul ǵımarattardyń birinshi jáne ekinshi qabattary kásipkerlerge satylady. Sondaı-aq memlekettik qyzmetshiler bosatqan 150 ǵımarat aýktsıonǵa shyǵarylady.
- Ákimder birinshi kezekte aýmaǵyn keńeıtkisi keletin kásipkerler suraǵan oryndardy aýktsıonǵa qoıýy kerek, - dedi prezıdent.
Shavkat Mırzıeev Tashkent qalasynyń ıÝnýsabad aýdanyndaǵy «Mingboev Robotics» kásipornynda múmkindigi shekteýli jandarǵa arnalǵan protezder men ekzoskeletter shyǵarylatyny týraly habarlady. Kásibin keńeıtý maqsatynda kásipker múmkindigi shekteýli jandar úshin jer surady.
Prezıdent joǵary tehnologııalyq ónim jasaıtyn mundaı kásipkerlerge 5 jyl merzimge 10 myń sharshy metrge deıingi memlekettik nysandar tegin beriletinin málimdedi.
Eske sala keteıik, TMD elderi ishinde eń qymbat et Ózbekstanda ekeni belgili boldy.
Ózbekstanda mektepter men JOO-larǵa qarjylyq saýattylyq páni engiziledi.