Ózbekstannyń 130 jastaǵy turǵyny álemdegi eń qart adam atanýy múmkin
ASTANA. KAZINFORM — Ózbekstannyń bálkim, búkil Jer sharyndaǵy eń jasy úlken turǵyny retinde – 130 jastaǵy Hývaıdo Ýmarova (Toshmatova) resmı túrde alǵash ret rastaldy. Bul týraly eldiń Ádilet mınıstrliginiń Telegram-arnasy jazdy.
Eldiń Ádilet mınıstrligi júrgizip jatqan «Eshkim qujatsyz qalmaıdy» aktsııasy aıasynda Hývaıdo Ýmarovanyń 1895 jyldyń 1 qańtarynda dúnıege kelgeni dáleldendi.
1999 jyly Ýmarovaǵa berilgen tólqujatta týǵan kún tolyq kórsetilmegen bolatyn. Bul jaǵdaı onyń jasyn resmı túrde tanýǵa kedergi keltirip kelgen.
Endi Hývaıdo Ózbekstannyń eń qart azamaty retinde resmı túrde tanyldy. Onyń týystary Gınnestiń rekordtar kitabyna ótinish bere alady. Eger halyqaralyq sarapshylar onyń jasyn rastaǵan jaǵdaıda, Ýmarova tiri júrgen adamdardyń ishindegi eń kári adam retinde tanylatyn bolady.
Qazirgi ýaqytta álemdegi eń jasy úlken adam retinde resmı túrde 116 jastaǵy brıtandyq Etel Keterem tanylǵan.
Buǵan deıin 2024 jyldyń tamyz aıynda Japonııanyń Acııa qalasynda turatyn 116 jastaǵy Tomıko Itoka álemdegi eń qart adam atanǵanyn jazǵan edik.