Ózbekstannyń 105 jyldyq demografııalyq kórsetkishi jarııalandy
TAShKENT. KAZINFORM - 1920 jyly Ózbekstanda bar bolǵany 4,4 mıllıon turaqty turǵyndar turdy. Ulttyq statıstıka komıteti Ózbekstannyń 105 jyldyq demografııalyq kórsetkishin jarııalady, dep habarlaıdy ÓzA.
Sońǵy jyldary halyq sanynyń turaqty ósýi baıqalady. Statıstıkalyq málimetterge súıensek, 2020 jyly el halqynyń sany 33,9 mıllıon adamdy bolsa, bes jyldan keıin bul kórsetkish 3,6 mıllıon adamǵa artqan. Onyń 18,9 mıllıony (50,4 paıyzy) erler, 18,6 mıllıony (49,6 paıyzy) áıelder. Qala halqy – 19,1 mıllıon (51 paıyz), aýyl halqy – 18,4 mıllıon (49 paıyz). 2024 jyly 926 400 bala dúnıege keldi, bul ótken jylmen salystyrǵanda 3,7%-ǵa az.
Ulttyq statıstıkalyq komıtet jarııalaǵan tarıhı derekterge kóz júgirtsek, 1920 jyly Ózbekstanda nebári 4,4 mıllıon adam ómir súrgen. Osy jyldar ishinde bul san aıtarlyqtaı ósip, 1990 jyly 20,2 mıllıonǵa, 2000 jyly 24,5 mıllıonǵa jetti. 21 ǵasyrda demografııalyq ósý qarqyny joǵary, 2010 jylǵa qaraı halyq sany 28 mıllıon bolsa, 2020 jyly 33,9 mıllıon, 2025 jyly 37,5 mıllıon boldy.
Halyq sanynyń ósýi eldiń damýy úshin múmkindik te, problema da bolýy múmkin. Mańyzdysy, Ózbekstan ekonomıkalyq ósý men áleýmettik ınfraqurylymdy halyq sanynyń ósý qarqynyna beıimdep otyr.
Eske sala keteıik, Ózbekstanda turaqty turǵyndardyń sany 37,5 mıllıonnan asty.