Ózbekstannan Reseıge II - HIH ǵasyr aralyǵynda shyǵarylǵan asa qundy birneshe monetalardy alyp ótpek bolǵan
ASTANA. QazAqparat - Ózbekstan kedenshileri elden 26 ejelgi kúmis jáne jez monetalardy zańsyz alyp ótpek bolǵan Reseı jáne Ózbekstan azamattary áreketiniń jolyn kesti, dep habarlady RIA Novostı seısenbi respýblıkanyń Memlekettik keden komıteti baspasóz qyzmetine silteme jasap.
«Termez áýejaıynda elden 26 ejelgi monetany zańsyz alyp ótýge tyrysqan Ózbekstan azamaty Ergash Begımov ustaldy, - dep naqtylady baspasóz qyzmetinen. MKK derekterine sáıkes moneta keńse steplerine salynyp, jolaýshynyń qol júgindegi kıimge oralǵan.
«Tergeý aldy tekserý derekterine sáıkes ejelgi moneta ıegeri Ózbekstanda turýǵa quqyǵy bar RF azamaty Igor Popovqa tıesili», - dep atap ótti MKK ókili. Onyń aıtýynsha, Begımov tarıhı qundy monetany respýblıka aýmaǵynan zańsyz alyp shyǵý úshin kýrer bolǵan.
Saraptama moneta II - HIH ǵasyr aralyǵyndaǵy jalpy tarıhty qamtıtyn Grek-Baktrııa memleketi, Qarahanıd, Temýrıd memleketteri kezeńine jatatynyn anyqtady. Monetanyń quny 70 mıllıon som (25 myń dollarǵa jýyq).
Fakti boıynsha qylmystyq is qozǵalyp, tergeý júrgizilýde.
