Ózbekstannan Qazaqstanǵa zańsyz qarjy alyp ótpek bolǵan qyrǵyz azamaty ustaldy

TÚRKІSTAN. QazAqparat - 20 000 AQSh dollaryn jáne 23 458 000 teńgeni Qazaqstanǵa zańsyz alyp ótpek bolǵan Qyrǵyzstan azamaty Túrkistan oblysy boıynsha memlekettik kirister departamentiniń «Atameken» keden beketinde qolǵa tústi, dep habarlaıdy QazAqparat departamenttiń baspasóz qyzmetine silteme jasap.

2021 jyldyń 19-qazany saǵat 14:30 shamasynda Túrkistan oblysy boıynsha memlekettik kirister departamenti «Atameken» keden beketiniń jáne «KQJT» shekara narıady qyzmetkerlerimen birlesip, Qazaqstanǵa kirmekshi bolǵan «Volvo» júk kóligin tekserý barysynda, deklaratsııalanbaǵan aqshany anyqtaǵan.

«Atalmysh oqıǵa QR Qylmystyq kodeksinde arnaıy qaralǵandyqtan, Qyrǵyzstan azamatyna qatysty tıisti tergeý amaldaryn júrgizý maqsatynda, is Túrkistan oblystyq Ekonomıkalyq tergeý departamentine joldandy»,-dlingen Túrkistan oblysy boıynsha Memlekettik kirister departamentiniń baspasóz qyzmeti.